Sekretari i Përgjithshëm i PS-së, Taulant Balla dhe Presidentit Ilir Meta gjatë ditëve të fundit kanë shkëmbyer replika të ashpra pas deklaratës së Presidentit që do të shpërndajë parlamentin.
Pas disa prononcimeve në distancë të zëdhënësit të Presidentit, Tedi Blushi, ka reaguar edhe Këshilltari i Grupit Parlamentar të PS-së, Eraldo Xhani, në një postim në llogarinë zyrtare Facebook. Z. Xhani njëherësh është edhe anëtari i Asamblesë Kombëtare të PS-së duke përfaqësuar socialistët e bashkisë Librazhd.
Eraldo Xhani facebook: “Populli duhet dëgjuar! Patjetër, që ka të drejtë sa herë flet dhe ngrihet.
Të përdorësh Simbolet Kombëtare dhe nacionalizmin për t’i shpëtuar ligësive të kobshme, që të kanë karekterizuar për dekada, kjo edhe në Shqipëri ka ndodhur. Po ndodh edhe pak sepse këta pseudopolitikanë, që duan t’i shpëtojne drejtësisë dhe Gjykimit popullor, që sapo ju ka trokitur në derë janë në grahmat e fundit të tyre!
E kupton dhe populli. E kuptojnë prindërit tanë, e kuptojnë të rinjtë, e kuptojnë intelektualet, e kuptojnë ata atdhetarë, që jetojnë jashtë vendit. E kupton dhe ai bujku i vuajtur, që jeton në fshat.
Fatmirësisht po e kuptojnë të gjithë Shqiptarët.
Beselikja e sotme është shembulli konkret i shprehjes: Streha e fundit e maskarenjve është nacionalizmi.
Por jo, shqiptarët nuk mund të gënjehen me nga këeta besëzinj!!!”
*Material i përgatitur nga portali LIBRAZHDI INFO. Ripublikimi mund të bëhet vetëm kundrejt citimit të autorësisë dhe burimit origjinal.
