Mbështetje në rritjen e cilësisë së arsimit në rrethin e Librazhdit, është fokusi kryesor i deputetit të zonës Taulant Balla. Dhë për këtë në 7 vitet e fundit ka dhënë mbështetjen e tij të plotë duke sjellur investime për ndërtimin e shkollave, kopshteve e cerdheve të reja dhe rikonstruksionin e atyre ekzistuese.
Por zoti Balla nuk është ndalur me kaq. Çdo vit të ri shkollor dhuron çanta shkolle dhe pajise mësimore për nxënësit e shkollave të rrethit Librazhd.
Në këtë fillim viti shkollor vëmendjen e ka ndalur tek nxënësit e shkollës 9 vjeçare Librazhd Katund dhe në disa shkolla të tjera në zonat rurale.
Kjo është një nismë e bukur dhe me mjaft vlera për fëmijët e komuniteteve rurale të Librazhdit, për ta nisur mbarë një vit të ri shkollor.
Ky gjest human i zotit Balla duhet përshëndetur dhe sigurisht të ketë nxitur sadopak aktorë të tjerë kyç në iniciativa të ngjashme, sidomos në drejtim të pajisjes së fëmijëve nga familjet e varfëra me mjete mësimore dhe pajisjet e domosdoshme për të vijuar shkollën normalisht.
*Material i përgatitur nga LIBRAZHDI INFO. Ripublikimi mund të bëhet vetëm kundrejt citimit të autorësisë dhe burimit origjinal.
